पुणे : टिकाराम जगन्नाथ महाविद्यालयाचे [ खडकी – पुणे ]
मराठी विषयाचे विभाग प्रमुख प्रा. महादेव रोकडे यांची उपप्राचार्य पदी नियुक्ती झाली आहे.
प्राध्यापक महादेव रोकडे हे गेली 32 वर्षे खडकी शिक्षण संस्थेच्या टिकाराम जगन्नाथ महाविद्यालयामध्ये सहयोगी प्राध्यापक व मराठी विभाग प्रमुख म्हणून कार्यरत आहेत. ते मूळचे पुरंदर तालुक्यातील गुळुंचे गावचे असून सोमेश्वर नगर येथील मु.सा काकडे महाविद्यालयाचे माजी विद्यार्थी आहेत. प्रा.रोकडे हे विद्यार्थी प्रिय प्राध्यापक म्हणून परीचित आहेत. ते कवी, लेखक, वक्ते, मुक्त पत्रकार आणि सामाजिक कार्यकर्ते म्हणून त्यांचा नावलौकिक आहे. प्रा. रोकडे यांनी अध्यापनामध्ये विविध उपक्रम राबवले आहेत. गरीब व अनाथ विद्यार्थ्यांना दत्तक घेऊन सामाजिक जबाबदारी पार पाडली आहे. ‘नोकरी माझी भाकरी आणि विद्यार्थी’ हेच माझे दैवत ‘ या एकमेव ध्येयाने ते अध्यापन करीत आहेत. त्यांना शैक्षणिक , सामाजिक कार्यासाठी 32 राष्ट्रीय आंतरराष्ट्रीय पुरस्कार देऊन गौरविण्यात आले. प्रा. रोकडे यांना दिल्ली येथील ह्युमन राईट्स ऑर्गनायझेशन, भारत सरकार संलग्न संस्थेकडून ‘सोशल वर्क’ मध्ये मानद डॉक्टरेट या पदवीने सन्मानित करण्यात आले आहे. त्यांनी महाराष्ट्रभर विविध विषयावर 840 व्याख्याने दिलेली आहेत.
खडकी शिक्षण संस्थेचे अध्यक्ष कृष्णकुमार गोयल यांनी प्रा.महादेव रोकडे यांची कला शाखा उपप्राचार्यपदी नियुक्ती केली. त्यांची निवड होताच, आनंद छाजेड , प्राचार्य डाॅ.संजय चाकणे , रमेश अवस्थे ,
शंकर यादव, डॉ.सुचेता दळवी, प्रा.राजेंद्र लेले, प्रा.नमिता कुलकर्णी, कार्यालय अधीक्षक लक्ष्मण डामसे यांनी अभिनंदन करून शुभेच्छा दिल्या आहेत.
